Idazmenaren inguruan erabilera jardunaldietan

[Aitor E.]

Egun hauetan Karrajua-n eta beste zenbait blogetan azaldu da pasa den astean Bilbon egin ziren herri administrazioetako erabilera-planen inguruko jardunaldiei buruzko informazioa.
Aipatutako jardunaldietan izan zen hitzaldi bat orain arte aipatua izan ez dena eta hona ekarri nahi dudana. Aitor Gorostizak eskaini zuen "Administrazio idazkiak berritu eta estandaritzatzeko" teknikak" http://www.euskara.euskadi.net/r59-738/eu/contenidos/informacion/er...">Hementxe duzue osorik.

Ikusiko duzue tresna etae teknika oso interesgarriak eskaintzen dituela hainbat idazki mota estandarizatzeko. Denak ez dira, noski, gurekin ari diren ikasleentzako erabilgarriak, administrazio-zeregin jakin batzuetarako begira baitaude.

Edonola ere, honaxe ekarriko ditut idatziak argiak eta zehatzak izateko bertan eskaini zituen zenbait aholku zuzen:

• Aukeran hitz laburrak eta ezagunak
• Ez esaldiak beharrik gabe puztu, betelanak ez du dotoreziarik erakusten
• Estilo nominala baino naturalagoa du estilo predikatiboa euskarak
• Hizkera konkretua, abstraktuaren ordez
• Egitura pasiboak ez gehiegi erabili
• Esaldi berean ezezko egitura gehiegi ez sartu
• Esaldi laburrak, luzeegiak baino hobe: ez sartu perpaus gehiegi esaldi berean
• Ez pilatu aposizioak
• Esaldian informazio nagusia aurreratu: saihestu atzerakarga
• Ez egin erlatibozko kate luzeegirik
• Aditza leku logikoan kokatu
• Kontuz erdarazko gerundio okerren kalkoekin
• Errepikapenak erabili, neurriz baina, kohesioa indartzeko
• Testu antolatzaileak erabili
• Puntuazioa egoki erabilita kohesio handia izango dute idazkiek
• Tipografia aberatsa lagungarria da, neurriz eta argi hierarkizatua erabiliz gero
• Diseinua argia eta funtzionala izan behar da
• Lerroaldeak egituratu
• Zerbait ulertzen zaila bada, adibideak eman
• Egokitu hizkera gaiari

[Benito]

Aitor, eman duzun helbidea ez dabil. Hau da: http://ttiki.com/2169
Bestela, hemen daukazue irakurtzeko moduan:
Administrazioko idazkiak berritu eta estandarizatzeko teknikak

Publish at Scribd or explore others: 2008 goienkaria

[Aitor E.]

Mila esker, Benito. Teknikaren edo teknikoaren (bigarrena seguruenik) arazoak!