Zer behar dugu?

[plisti-plasta]

On-line autoikaskuntza potentea atontzeko zer behar dugun galdezka natorkizue. Lidergoa, gure arteko lan kooperatiboa eta finantziazioa alde batetik; eta, bestetik, 100 kiloko ilusioa, sistema honetan sinestea eta zenbait erreminta, besteak beste:

• Europako Erreferentzia Markoan agertzen diren helburu konpetentzialak (ekintza komunikatiboak) lantzeko ataza bankua. Mailakatua baina segmentatua (ikas-objektuak bailira), ikas-ibilbide desberdinak ahalbideratzeko. Banku hau irekia izango da eta moldagarria, gutxieneko kalitate kontrolduna, wikipediaren antzeko funtzionamenduduna.
  
• Proiektuen gunea. Lan kooperatiboaz baliatuko dena, irakasleen monitorizazio eta aholkularitzarekin edota lan kolaboratiboaz ikasleek berek kudeatutako proiektuak abiaburu.  
• Laguntza teknikoa. Gune honetan edozein proiektu kolektibo zein pertsonaletarako (PLEa nola egiten den, bideo bat nola editatu…) eskainiko da laguntza ahalik eta pertsonalizatuena.
  
• Ikasleen sare-soziala (gurearen antzekoa). Ikasleek berek kudeatutakoa ahal den neurrian. Bertan komenigarria izango litzateke, hasieran behintzat, monitore jariogileren batzuk izatea.
  
• Foroa: ikasle/irakasle (zalantzak eta…), ikasle/ikasle.
  
• Euskal hiztunak. Bertan jasoko lirateke egunean egunean berrituko liratekeen sareko zein saretik kanpoko berriak, artikulu edo bideo interesgarriak… Bertatik bultzatuko ikasle / hiztun harremanak.
  
• Mintzalagun presentzialak zein birtualak (Skyperen bidezko ‘kedadak’…)
• Irakasleen formazio gunea. On-line ikas-irakaskuntzan ari diren edo arituko diren irakasleei laguntza tekniko-didaktikoa eskainiko liekeen gunea.
  

Eskatzea libre denez, ia zerrenda osatzen dugun (edo zerbait ezabatzen dugun).