Artillero, dale fuego!

[plisti-plasta]

Kantari esnatu naiz gaurkoan eta apur bat zalapartari ere bai egia esan. Honelako egunetan ez dut politikoki zuzena izateko batere gogorik izaten. Hala ba, sua eta egurra!

Autoikaskuntza formala deiturikoari begiratu eta zer ikusten dut?

Santurtzi. Robinson Crusoe bailitzan, bere irlatxoan isolatu samar lanean. Euskaltegi mailan azken tendentzietara igota. Baina ikasleei eskaintzen zaien materialari begiratuta, lehengo materiala (edo antzekoa) digitalizatuta ikusten dut gehienbat (nire ezjakintasuna izango da, seguru).

AEK. Zalantzatsu. Ekimen sendo baten faltan. Astiro, astiroegi mugitzen mundu honetan. Aurrea hartu ezinda. Frankotiratzaile batzuei esker jardunean.

By & bai. Marketingean oinarritutako dirua ateratzeko makina lez. Oinarri funtzional, audio-lingualduna. Barkatu, barkatu, baina 'DDK sistem' horrek, oraindik orain, Profesor Maurer ekartzen dit gogora.

HABE. Astiro eta geldo mugitzen den elefantea, bere gela txikitxoan kabitu ezinik. Berak ezer sortzeko gaitasunik ez eta inurriaren (Aurten Bai) sistema propietarioak preso. Berau gustuko ez duen arren, aurrera nola egin ez dakiela. Zer edo zer izango da. Inolako prospektibarik gabe (daukaten bakarra sei hilabete barruko hauteskundeak dira...Ai, ama!).

Eta kitto!

Nahiz eta norbait erre, sua piztu izana espero dut. Hobe horrela geldi-geldian baino. Barkamenak eta bla, bla, blaka aritzeko ordua helduko da. Badakit gordin ibili naizela, eman zuek sua nireari, ea zerbait egosten dugun!

[Benito]

Bai, kontraesan horretaz sano dihardute batzuek sarean. Sariak ere antolatu dira. :D

Esan duzunetik ideia bat barruntatu dut -eta neuri azkenotan sarri etorri zait gogora-, teknologia ez da azken belaunaldiko teknologia soilik. Arbela, papera, boligrafoa, fotokopiagailua, ikasgela bera... horiek denak ere teknologiaren parte dira eta betik erabiltzen da teknologia ondorioz. Zein teknologia eta (gehien bat) nola da gehiago galdera "teknologia bai/ez" baino. Hala da?

Zentzu horretan -eta hori da zure hitzetan ondo-ondo ulertu ez dudana-, zer ez du bermatzen euskarri fisikoak teknologiaren erabilerak bermatzen duena? Euskarri fisikoa zeri diotsazu? Aurrez aurrean / urrunean bereizketaz ari zara? Euskarri fisikoa azken batean ez litzateke izango "teknologia" bat?

Ufa! Barkatu psikolastoa.

[Ilich]

Aurreko hamarkadetan teknologiaz aritzean, bi elementu nagusi hartzen genituen kontuan: telebista eta bideoa. Atzerago joanez gero, irratia eta irratikaseta. Egun IKTak kontzeptu bezala modan jarri badira ere, garaian garaiko teknologia erabili izan da, beti ere, ikas-irakasprozesuen mesedetara. Halere, horrek ez du esan nahi beti asmatu denik edota asmatu dugunik. Aztertu baino ez zer joku txikia eman duten telebistak eta bideoak horrelako prozesuetan.

Teknologia, euskarria, erreminta… Sinonimotzat jotzen ditut hein zabal batean.

Arazoa ez da, nire ustez, aurreko mezuetan adierazi bezala, zer teknologia baliatu ahal dugun, baizik eta zer teknologia erabil dezakegun ikas-irakasprozesua ahalik eta erangikorren egin ahal izateko. Esaterako, lehen apunteak seriografia-atalean izaten ziren. Joan, pagatu eta erabili. Orain teknologiaz inguratu gara eta apunteak WebCTen edota MOODLEn jartzen ditugu zintzilik, hori bai, PDFetan. Lehen aurkezpen/azalpenak arbelean egiten ziren. Orain, berriz, PPTak baliatuz pizarra digitaletan.

Baina zer ekarpen egin dio teknologiak bi kasuotan ikas-irakasprozesuari? Zertan aldatu da, aldatu baldin bada, oinarrian dagoen/zegoen eredu metodologikoa?

[Andoni Tolosa]

Teknologiak bere baitan balio mugatua duela adierazten duten adibidez josia dago gure ingurua, nola saldu nahi izan zaigun edozer material berritzaile gisara soilik euskarri digitalean zeudelako. Edo materialak diseinatzerakoan arreta gehiago jarri zaion diseino teknikoari didaktikoari baino. Dena den uste dut joera horri buelta ematen ari garela poliki-poliki, edo hala espero dut, bederen. Ikasleei askotan esaten diet ziurrenik inprenta izan dela teknologia mailan, oraindik orain, hezkuntzari gehien eragin dion teknologia, baina horrek ez du esanahi liburu guztiak direla erabilgarriak. Portzierto eta eta bideoekin ari garela ikusi hau