Euskararen erabiltzaile estrategikoa, Lourdes Elosegiren artikulua

[Benito]

Lourdes Elosegi HABEko teknikariak artikulua argitaratu du gaur erabili.com-en: Euskararen erabiltzaile estrategikoa: helduen euskalduntze eta alfa...

Artikulua loturik dator Pello Esnalek lehengo egunean aurkeztu zuen liburuarekin: Testu-antolatzaileak. Erabilera estrategikoa, eta hango kontzeptuekin. 4. mailaren inguruan ibili zaretenoi ez zaizue arrotza egingo: testuaren antolaketa, antolaketarako estrategiak, hiztun estrategikoak, diskurtsoaren azterketa...

Ideia nagusia azken hitz hauetan laburtzen dela iruditu zait:

Estrategien mundua, labur esanda, aukeren mundua da, eta erabakien mundua. Gramatikaren mundua, ordea, arauen mundua da. Arauak bete egin behar dira, eta kito! Baina hizkuntzaren erabileran dena ez da arau; eta eremu askotan har ditzakegu erabakiak. Adibidez, arestian aipatutako lehenengo mailako ekintza komunikatiboa, nola gauzatu? Kontaketa eginez ala azalpena eginez? Biak txertatuz, agian? Interaktiboa ala ez-interaktiboa? Ahots enuntziatzailea bakarra izango da?

Erabakiak hartzen eta estrategiak erabiltzen, berriz, erabakiak hartuz eta estrategiak erabiliz ikasten da. Bestela esanda, hizkuntza erabiliz landu beharko da erabakimena edo gaitasun estrategikoa.