gure hizkuntzaren irakaskuntzarako sare soziala

Xuxen nabigatzailean

Seguruenik zuetako askok erabiltzen duzue Xuxen zuzentzaile ortografikoa Word edo halako testu-prozesadoreetan. Baina ez duzue jakin beharbada honelako foro eta blogetan idazten duguna ere zuzentzen duela. Hau da, interneteko nabigatzailetik idazten dugunean ere erabil daiteke, hobeto esanda, Firefox nabigatzailean instalatu egin daiteke.
Erraza da, joan Eusko Jaurlaritzak euskarazko software-a deskargatzeko daukan webgunera eta han gaudela Xuxenen orrira: http://ttiki.com/1648
Nabigatu orri horretan beherantz XuxenIII EDBLko (Euskararen Datu Base Lexikala) datuekin ataleraino. Hor zerrendaren amaieran hau aurkituko duzue:

Mozilla Thunderbird 2.0 eta Firefox 3.0 Windows/Linux (Hunspell mot... (475 Kb) / Eskuliburua (pdf, 600Kb)

Lehenengo esteka instalatu behar duzuen fitxategia da (zip batean konprimituta), bigarrena instalazioa azalduko dizuen gida. Irakurri eskuliburua, egizue han dioena eta hemendik aurrera blog, foro eta abarretan idazten duzuenean zuzentzaile ortografikoa edukiko duzue martxan. Erroreen berri emango dizue eta saguaren eskuineko botoiarekin hitza zuzentzeko aukera emango dizue.
Probatu eta arazoren bat badaukazue, esan eta saiatuko gara laguntzen.

Partekatu

← Aurreko sarrera

Iruzkina gehitu

Iruzkinak gehitzeko, Euskara irakasleak(r)en partaide izan behar duzu.

Sare honen partaide egin

2 iruzkin

Benito(e)n iruzkina urtarrila 12, 2009(e)n. Ordua: 20:24: Oso erraza da Imanol. Ubuntu euskaraz instalatu baduzu Xuxen automatikoki instalatzen dizu. Gerta daiteke hala ere Firefox-en zuzentzailearen hiztegia ingelesean egotea berez, baina oso erraza da aldatzea. Begiratu bideo honetan nik nola egin dudan:

Antzeko bideo gehiago Euskara irakasleak(e)n

Imanol Epeld Pagola(e)n iruzkina urtarrila 12, 2009(e)n. Ordua: 17:57: Bai, baina ez dakit oso ondo ubuntuan nola instala daitekeen... badakizu zuk?
Mila esker...